Украинските разузнавачи тврдат дека во Москва почнале бројни воени апсења.
Според Главната управа за разузнавачки работи на Министерството за одбрана на Украина, специјалните единици на Националната гарда на Русија (Росгвардија) оперираат во градот и се движат низ градот во придружба на полициски единици.
Тврдат и дека сообраќајот е блокиран во центарот на градот.
Украинските разузнавачи наведуваат дека се свесни за бројни апсења и приведувања на воени службеници. Но, тие напоменуваат дека сето тоа не е објавено во руските медиуми.
Се наведува и дека сите воени единици во Московската област се ставени во состојба на готовност.