Холандската полиција денеска уапси повеќе од 500 лица за време на протестот на климатските активисти од организацијата Extinction Rebellion на патот А12 во Хаг, но повеќето од нив веднаш се ослободени, пренесоа холандските медиуми.
Активисти упаднаа во тунел недалеку од Министерството за економски прашања и клима, по што сообраќајот на тој дел од патот беше прекинат, објави веб-страницата Nos.nl.
13 активисти завршија во затвор за прекршоци како давање отпор на полицијата и блокирање сообраќај, додека 27 лица се осомничени за блокирање на пат.