Украинската морнарица денес објави дека руски авион Су-30СМ извршувал мисија југоисточно од Змискиот остров во Црното Море и дека веројатно се урнал во таа прилика.
„Извидничките средства на морнарицата на вооружените сили на Украина добиле радио пресретнување за губење на контакт со авионот Су-30СМ на руските окупатори, кој извршувал мисија југоисточно од Змискиот остров. Авионот веројатно се урнал од непознати причини“, соопшти украинската морнарица во соопштение објавено на каналот Телеграм, објави УНИАН.
Според морнарицата, руските сили во моментов спроведуваат операции за пребарување и спасување.
Според достапните информации, делови од авионот се пронајдени на површината на морето, додека пилотот сè уште не е пронајден.
