Уапсен малолетник со потекло од Македонија, се заканувал дека ќе ја разнесе катедралата во Виена

Од:

Австриската полиција уапси 15-годишен Австриец со македонско потекло кој се заканувал со терористички напад во центарот на Виена, пишуваат австриските медиуми.

Малолетникот, бидејќи не добил одговор на „чат“ со канцеларот Себастијан Курц, се заканил дека денеска во 13 часот ќе изврши терористички напад врз виенската катедрала Стефандом.

Откако беше утврден идентитетот на лицето кое упатило закани до канцеларот, специјалци го лоцирале и уапсиле заканувачот.

Малолетникот досега не и бил познат на полицијата по ниту една основа, а полициските службеници во моментов проверуваат дали неговата закана е поврзана со исламски тероризам.

По апсењето заканувачот изјавил дека немал намера да ја изврши својата закана и дека наводно станува збор за „шега“.

Тој исто така вели дека не бил свесен за последиците од неговите постапки.

Тој сега е во истражен затвор, а полицијата спроведува понатамошна истрага.

Би можело да ве интересира

Австрија очекува две третини од граѓаните да ја примат вакцината

Ана Ололовска

Во Австрија ќе дозволат публика на фудбалските стадиони во последното коло

Жарко Настоски

Дупката во австрискиот буџет „длабока“ над 30 милијарди евра

Жарко Настоски

Австрија нема да ја користи Спутник В без одобрение од ЕМА

Ана Ололовска

Мегаскандал во Австрија: Курц му праќал бакнежи на државен службеник

Жарко Настоски

Австрија подготвена за домаќин на евентуална средба Бајден-Путин

Ана Ололовска