Откако Доналд Трамп ја повтори својата закана за повлекување на САД од НАТО, полскиот премиер Доналд Туск рече дека ситуацијата директно му оди во прилог на Владимир Путин.
Туск, поранешен претседател на Европскиот совет, напиша на социјалните мрежи дека „сето ова изгледа како план од соништата на Путин“, бидејќи Европа се соочува со голема енергетска криза поради затворањето на Ормутскиот теснец, објави Скај њуз.
„Заканата од распаѓање на НАТО, ублажувањето на санкциите врз Русија, масовна енергетска криза во Европа, прекинот на помошта за Украина и блокирањето на заемот за Киев од страна на Орбан“, Туск ги наведе факторите што, според него, се во корист на Путин.
Иако Туск не ги именуваше директно САД во објавата, неговите коментари се однесуваат на заканите на Трамп да ја напушти алијансата откако сојузниците не ја поддржаа неговата војна против Иран.
