Полскиот премиер Доналд Туск објави дека генералниот секретар на НАТО, Марк Руте, денес ја споделил со него неговата проценка за ситуацијата во регионот, како и на украинско-рускиот фронт, додавајќи дека Русија продолжува да ја ескалира ситуацијата.
– Како што предупредив, ескалацијата од страна на Русија продолжува. На Украина ѝ е потребна поголема воздушна поддршка, што е исто така клучно за нашата безбедност, напиша Туск во објава на платформата X, нагласувајќи дека ова е задача за цела Европа.
Според него, следните шест месеци ќе бидат одлучувачки.
„Ние, како Полска и НАТО, мора да бидеме подготвени за различни сценарија. Не можеме да ги исклучиме руските провокации насочени против една од членките на НАТО“, заклучи полскиот премиер во објавата.
