Турција го отповика својот конзул од сирискиот град Алепо, каде се водат борби меѓу бунтовниците и силите на претседателот Башар ал Асад, изјави претставник на турското Министерство за надворешни работи.
Ваквата одлука е донесена поради контраофанзивата на сириските безбедносни сили, преземена по бомбашкиот напад минатата недела, во кој беа убиени членови на сириската Влада.
Конзулот Аднан Кечеџи утрово веќе пристигнал во Турција и ќе учествува во консултации за ситуацијата во Сирија.
Турција претходно го повлече и персоналот од амбасадата во Дамаск.