Во судирите меѓу турските безбедносни сили и курдските бунтовници на југоистокот на земјата, загинаа еден полицаец и осум бунтовници, пренесува агенцијата Анадолија.
Курдската организација ПКК изврши пет истовремени напади на безбедносните сили, притоа убивајќи еден полициски офицер.
Турските сили, поддржани од авијацијата, ги нападнаа курдските бунтовници во Бејтусебапу, во кој загинаа осум бунтовници.
Околу 45.000 луѓе се убиени, откако ПКК започна вооружена борба за автономија на југоисточниот дел на Турција во 1984-та година.