Во Тунис денеска ќе биде организиран генерален штрајк поради убиството на еден од главните опозиционери и остар критичар на властите, адвокатот Чокри Белаид.
Генералниот синдикат на туниските работници денеска организира штрајк, кој се совпаѓа со погребот на лидерот на опозицијата Белаид, кој беше убиен во средата пред својот дом.
Повикот за штрајк на најмоќниот синдикат во земјата доаѓа по протестите во главниот град Туниси и централниот регион Гафси, со што политичката криза во земјата дополнително се продлабочува.
Туниски адвокати, судии и некои универзитетски професори од вчера се во штрајк, поради што и денеска главниот суд во Тунис е затворен.
Адвокатот Чокри Белаид денеска ќе биде погребан по традиционалната петочна молитва во муслиманските земји, а неколку стотина луѓе веќе се собраа пред неговиот дом во главниот град.
Убиениот Белаид (48) беше остар критичар на владејачката партија, чиј лидер Рашед Гануши го нарече симбол на фашизмот и контрареволуцијата.