Претседателот на собранието на Тунис Мустафа Бен Јафар официјално побара од Саудиска Арабија да го екстрадира поранешниот туниски претседател Бен Али.
Бен Јафар барањето го упатии на средба со делегацијата на владата на Саудиска Арабија на чело со министерот за надворешни работи Сауди Ал Фајсал.
Фајсал потврди дека Бен Али не поседува никаков имот во Саудиска Арабија. Според него Бен Али има дозвола за престој во Саудиска Арабија под услов да нема никакви јавни излагања.
Бен Али е првиот претседател на арапска земја, што беше соборен од власт во 2011 година, по протестите кои потоа се проширија во неколку други арапски земји. Тој пребега во Саудиска Арабија, а воениот суд во Тунис го осуди во отсутност на доживотна казна затвор за улогата во справувањето со бунтот против неговиот режим.