Владата на Тунис испрати специјални борбени единици по границите со Алжир и Либија, за да спречи навлегување на вооружени исламисти, кои ги напаѓаат нафтените и гасните инсталации во земјата.
Мерката е преземена од нападот порано овој месец на група поврзана со Ал каеда, која зеде заложници во гасниот комплекс во Алжир и од борбите на француски и малиски борбени единици со исламистички бунтовници во Мали.
Специјалните единици се распоредени на клучни места во заштита на нафтените и гасните наоѓалишта во сахарскиот дел на Тунис. Мерките се за спречување терористички напади врз наоѓалишта, главно крај алжирската граница.
Во декември тунискиот министер за внатрешни работи Али Ларајед објави дека полицијата уапсила 16 исламисти, кои собирале оружје со цел да создадат исламска држава.