Денеска американскиот претседател Доналд Трамп ја објави новата национална стратегија за безбедност, која продолжува да ја следи доктрината „Америка на прво место“.
Според новата стратегија, Кина и Русија се ревизионистички сили и конкуренти кои ја оспоруваат моќта на САД и сакаат да ја поткопаат нивната безбедност и просперитет.
– Тие (Русија и Кина) се одлучни во тоа економиите да ги направат помалку слободни и помалку праведни, да им јакнат армиите, како и да контролираат информации и податоци за да извршат репресија над нивните општества и да шират влијание, нагласи американскиот претседател и додаде дека Америка е во игра и ќе победи.
Трамп се фокусира на заштита на државата, а во тоа е вклучена и изградба на ѕид на јужната граница со Мексико, како и преземање на неколку чекори по прашањата за имиграцијата.
Претседателот на САД повикува на промовирање на просперитетот на САД, мирот и ширењето на влијанието на САД. Тој кажа дека ќе соработуваат со сите на начин на кои што ќе ги штитат националните интереси.