Американскиот претседател Доналд Трамп денес потпиша извршна наредба со која се воведува дополнителна царина од 40 проценти за увоз од Бразил, со што вкупната царина ќе достигне 50 отсто, соопшти денес Белата куќа.
Трамп пред три недели објави дека неговата администрација ќе воведе царина од 50 проценти за бразилските производи извезени во Соединетите Држави, почнувајќи од 1 август.
Тој ги услови царините, за кои рече дека ќе стапат на сила на 1 август, со третманот на Бразил кон поранешниот претседател Жаир Болсонаро, кој е на судење по обвинение за наводно планирање државен удар за да се спречи претседателот Луиз Инасио Лула да Силва да ја преземе функцијата.