Претседателот на Соединетите Американски Држави, Доналд Трамп, ја нарече употребата на пенкало – таканареченото „автопен“ – што го користеле вработените во Белата куќа за потпишување во име на поранешниот претседател Џо Бајден „еден од најголемите политички скандали во историјата на САД“.
„Заедно со наместените претседателски избори во 2020 година, „автопенот“ е најголемиот политички скандал во американската историја“, напиша Трамп на социјалната мрежа „Truth Social“.
Трамп тврди дека околу 2.500 извршни помилувања, вклучувајќи ги и оние на членовите на семејството на Бајден, се неважечки бидејќи наводно биле потпишани без знаење на тогашниот претседател.