Трамп: Одлуката за повлекување од Авганистан е „срамна“

Од:

Доналд Трамп ја оцени како „срамна“ одлуката за повлекување на американските војници од Авганистан, што ја донесе администрацијата на актуелниот шеф на Белата куќа, Џо Бајден.

dobivaj vesti na viber

Поранешниот американски претседател Доналд Трамп ја даде изјавата по повод годишнината од нападите на 11 септември. Видео пораката на поранешниот американски претседател беше прикажана синоќа на собир на христијански активисти на централниот булевар во американската престолнина. Снимката беше објавена на Твитер од републиканската секретарка за печат, Лиз Харингтон.

– Преживеавме огромен, огромен срам минатата недела, се случи нешто страшно, донесени се страшни одлуки од оваа администрација, рече Трамп, мислејќи на повлекувањето на војниците од Авганистан. – Но, вие имате храброст и едноставно сте прекрасни, така што ќе биде можно да се надомести тоа, додаде поранешниот претседател, обраќајќи се пред присутните.

Собирот на христијански активисти, на кој беше прикажана видео пораката на Трамп, првично не беше наменет за одбележување на дваесетгодишнината од нападите на 11 септември.

Политичките противници на Бајден го критикуваа процесот на повлекување на американските сили од Авганистан. По нападот на аеродромот во Кабул на 26 август во кое загинаа повеќе од 200 луѓе, вклучително и 13 американски војници, голем број влијателни републиканци побараа оставка или импичмент на Бајден, поради тоа што дозволил да дојде до нападот во главниот град на Авганистан.

Би можело да ве интересира

Авганистан сака да купува гас и нафта од Русија

Ана Ололовска

Маск ќе го одблокира Трамп на Твитер

А1он

Талибанците не дозволија Авганистанки да протестираат поради новата одлука околу бурката

Ана Ололовска

Авганистан: Жените треба да носат бурка на јавни места

Ана Ололовска

Трамп планирал да ги уништи нарко-картелите во Мексико со ракетни напади

Групацијата „Трамп“ навреме не доставила документи до Судот, ќе плаќа пенали од десет илјади долари дневно