Русија и Кина ќе бидат прогласени за држави-ривали на САД во новата стратегија за национална безбедност која се очкува американскиот претседател Доналд Трамп да ја објави денеска.
Според објавените изадоци од стратегијата, Русија и Кина се ангажираат да ја направат економијата помалку слободна, ги јакнат вооружените сили и капацитетите за контрола на текот на информациите за да вршат репресија врз своите граѓани.
Тие ќе бидат означени како ревизионистички сили кои работат на поткопување на безбедноста на САД и нивниот просперитет. Стратегијата, првпат по подолго време, нема да ги вброи климатските промени како безбедносна закана. Трамп презема мерки за да ги запре активностите започнати од страна на неговиот претходник Барак Обама за ограничувањето на климатските промени.