Односите на САД и Австралија играат крајно важна улога во зачувувањето на мирот и стабилноста во Азиско-пацифичкиот регион, се согласија американскиот претседател Доналд Трамп и австралискиот премиер Малколм Тарнбул при нивниот прв телефонски разговор, соопшти прес-службата на Белата куќа.
Разговорот траел 25 минути, јави ТАСС.
За време на разговорот, американскиот претседател изразил подготвеност да ги прифати бегалците од Австралија, со што ќе го исполни договорот, направен при управувањето на Барак Обама.
Лидерите на двете земји изразиле заинтересираност за спречување на нелегалната миграција.
Според договорот за мигрантите меѓу двете земји, САД требаше да прими одреден број бегалци од австралиските кампови на островите Манус и Науру.
Повеќето од бегалците во овие кампови се државјани на земји од Блискиот Исток.