Американскиот претседател Доналд Трамп му телефонираше на јапонскиот премиер Шинѕо Абе да му честита на изборната победа, и двајцата се согласиле дека треба да го зајакнат притисокот врз Северна Кореја.
Трамп треба да ја посети Јапонија на почетокот на следниот месец, во рамки на неговата голема турнеја низ источна Азија, кога се очекува и да даде серија насоки за политиката кон Северна Кореја.
Пјонгјанг изврши серија ракетни проби над Јапонија, а Трамп и корејскиот лидер Ким Џонг-ун разменија закани за уништување со нуклеарно оружје.