Американскиот претседател Доналд Трамп денес ги повика гувернерот на Минесота, Тим Волц, и другите демократски гувернери и градоначалници да соработуваат со федералната администрација и Конгресот на Соединетите Американски Држави за веднаш да донесат закон за прекин на таканаречената политика на „безбедни градови“ за имигрантите.
„Гувернерот Волц и градоначалникот на Минеаполис, Џејкоб Фреј, треба да ги предадат сите криминалци и нелегални имигранти кои моментално се наоѓаат во нивните државни затвори и центри за притвор на федералните власти, заедно со сите нелегални криминалци со активни налози или познати криминални досиеја, за итна депортација“, напиша Трамп на својот профил на социјалните мрежи, Truth Social.
Трамп рече државните и локалните органи за спроведување на законот мора да ги предадат сите нелегални имигранти уапсени од локалната полиција и дека локалните полицајци мора да им помогнат на федералните агенти во апсењето и притворањето на нелегални имигранти кои се бараат за кривични дела.