Американскиот претседател Доналд Трамп изјави дека постојат „добри шанси“ за постигнување договор со палестинското исламистичко движење Хамас „оваа недела“, што би довело до ослободување на израелските заложници држени во Појасот Газа.
„Веќе ослободивме многу заложници, но што се однесува до преостанатите заложници, добар број ќе бидат ослободени. Очекуваме да го постигнеме тоа оваа недела“, изјави тој за новинарите пред да се качи на авион назад за Вашингтон.
Индиректните преговори меѓу Израел и Хамас за договор за прекин на огнот и ослободување на заложниците во Газа започнаа вчера во Доха, пред состанокот меѓу американскиот претседател и израелскиот премиер Бенјамин Нетанјаху.
За време на овој состанок во Белата куќа, меѓу другото, ќе се дискутира за предлогот на САД за 60-дневен прекин на огнот во Појасот Газа, кој е нарушен по 21 месец војна меѓу Израел и Хамас.
