Тело на бездомник е пронајдено под надвозник во Милано, објави „Милано Тудеј“.
Станува збор за седмо бездомно лице пронајдено мртво на улиците на градот од почетокот на годината, објавија денес италијанските медиуми.
Безживотното тело на 43-годишен бездомник е пронајдено вчера, а веројатно е мртов со денови. Мажот е марокански државјанин, чие тело е пронајдено на Виа Печета.
Седум бездомници починаа на улиците на Милано од почетокот на годината. Само еден ден претходно, телото на друг бездомник, маж во шеесеттите години, беше пронајдено на Виале Касала.
Мажот е пронајден мртов во импровизирано засолниште каде што ја помина ноќта, во близина на супермаркет.