Авганистанските талибанци извршија денеска рано изутрината жесток напад од три насоки врз авганистанскиот град Кундуз, престолнина на истоимената провинција, во кој загинаа четири цивили, а 47 се ранети.
Дваесет бунтовници загинале во судирите со силите за безбедност, кои исто така претрпеле жртви, но засега нивната бројка не е позната, изјави портпаролот на началникот на полицијата во Кундуз.
Талибанците зазедоа болница со 200 легла во Кундуз и уште неколку владини згради.
Нивниот портпарол Забиула Муџахид изјави на Твитер дека бунтовниците зазеле болница во јужниот дел на градот.
Информацијата за заземената државна болница беше потврдена и од полициски извор.