Пакистански командоси убија 26 талибански борци и ослободија заложници

Од:

Пакистанските воени командоси денеска убија 26 талибански борци во операција за ослободување на полицајци кои беа заложници три дена во центар за борба за тероризам во градот Бану, јави ДПА.

Извор од разузнавањето рече дека сите напаѓачи кои го зазеле центарот во неделата се убиени. Според него, ослободени се најмалку осум заложници, а некои од нив се повредени. Во операцијата се повредени пет војници и тројца командоси.

– Најмалку четири силни експлозии се слушнале кога командосите упаднале во центарот, по што следела жестока престрелка, изјави полициски претставник кој сакаше да остане анонимен.

Според разузнавачкиот извор, операцијата започнала откако пропаднале разговорите со пакистанските талибанци за решавање на заложничката ситуација.

Безбедносните сили соопштија дека сите заложници се спасени. Според претставник на локалните власти, напаѓачите кои го зазеле центарот сакале безбедно да преминат во соседен Авганистан.

Извор: МИА

Би можело да ве интересира

Пакистан: Пет војници загинаа во напад на воен објект

Горан Наумовски

(ВИДЕО) Во Пакистан ненадејно падна снег, загинаа најмалку 35 лица

Исламската држава ја презеде одговорноста за експлозиите во Пакистан

Пакистан е веќе нуклеарна сила: Никој нема увид што изработува и колкава опасност може да предизвика

А1он

(ВИДЕО) Пакистан изврши ракетни напади на територијата на соседен Иран

Горан Наумовски

ВИДЕО: Нуклеарно вооружените Пакистанци се закануваат со одмазда за нападот од Иран