Талибанците го повикаа НАТО да стави крај на „странската окупација“ на Авганистан.
– Единствено успешно решение за кризата во Авганистан е да се стави крај на странската воена окупација. Тоа е очигледна реалност, нагласија талибанците во своето соопштение, кое е објавено денеска во пресрет на самитот на Алијансата во Велс, кој почнува утре.
Авганистан ќе биде една од главните теми на самитот. Лидерите на НАТО ќе дискутираат за завршувањето на воената мисија на НАТО во земјата, што е предвидено да се случи кон крајот на оваа година.
Авганистан на самитот ќе има свој претставник, но нема да биде претставен на ниво на претседател поради внатрешно политичката криза. Имено и двајцата кандидати за претседатели Ашраф Гани и Абдула Абдула тврдат дека победиле на изборите во јуни.