Претседателот на Европскиот парламент Антонио Тајани денеска изјави дека сметката на Велика Британија за излез од ЕУ (Брегзит), ќе изнесува помеѓу 50 милијарди евра и 60 милијарди евра.
– Треба да бидеме реални, но британската влада не е реална. Се споменуваше 20 милијарди, што е бесмислено. Сметката ќе биде помеѓу 50 и 60 милијарди евра, а тоа е реално. Неопходно е ја ставиме сметката на маса. Сакаме да ги добиеме парите, токму како и што рече (поранешната британска премиерка Маргарет), Тачер пред 30 или 40 години, вели Тајани.
Претседателот на ЕП го критикуваше „нејасниот став” на британските власти во преговорите со Брисел за Брегзит.
– Сакаме да знаеме што сака Велика Британија. Во тоа е проблемот. Не е јасно, рече Тајани.