Некои земји требаше повнимателно да слушаат кога Светската здравствена организација прогласи глобална здравствена криза во јануари 2020 година, изјави денеска Мајк Рајан, главниот експерт на СЗО за вонредни ситуации.
На прашањето дали организацијата требаше порано да го стави во употреба терминот „пандемија“, Рајан рече: Можеби моравме да викаме погласно, а можеби на некои луѓе им требаат слушни помагала.
На 30 јануари СЗО прогласи „вонредна состојба во јавното здравство од меѓународно значење“, што е највисоко ниво на тревога, а на 11 март првпат го опиша коронавирусот како „пандемија“.