Индискиот сој на коронавирусот е официјално пријавен на 53 територии, соопшти денеска Светската здравствена организација. СЗО доби и информација од неофицијални извори дека варијантата Б.1.617 е пронајдена на уште седум територии.
Бројот на нови инфекции и смртни случаи од Ковид-19 продолжи да опаѓа минатата недела, бидејќи се регистрирани повеќе од 4,1 милиони нови случаи и 84.000 смртни случаи, што е намалување за 14 проценти, или за два проценти во споредба со претходната недела.
Европскиот регион на СЗО забележа најголем пад на бројот на заразени и смртни случаи во последните седум дена, следен од Југоисточна Азија. Бројот на регистрирани случаи на коронавирус во САД, источен Медитеран и африканскиот регион е сличен на податоците од претходната недела.
Најголем број нови случаи во последните седум дена доаѓаат од Индија (1.846.055, пад од 23 проценти), Аргентина (213.046, пораст за 41 процент), САД (188.410, пад од 20 проценти) и Колумбија (107.590, пад од седум проценти).