Судот во Мјанмар повторно ја осуди Аунг Сан Су Чи на затвор, овој пат на три години за корупција

Од:

Суд во Мјанмар, азиската држава со која владее воена хунта, денеска повторно ја осуди поранешната лидерка Аунг Сан Су Чи на уште три години затвор, овој пат за корупција, потврдија судски извори за ДПА.

Оваа е последна во низата пресуди со кои се соочи Су Чи откако беше соборена од власта со воениот удар од 1 февруари 2021 година.

Со денешната судска одлука 77-годишната добитничка на Нобеловата награда за мир има досега вкупно 26 години затворски казни и тоа за корупција, поттикнување, кршење на правилата за Ковид-19, изборна измама и кршење на актот за службена тајна.

Британските медиуми наведуваат дека поранешната демократски избрана премиерка се соочува со најмалку 18 обвиненија за кои може да добие максимална казна од речиси 190 години.

Таа обвиненијата против неа ги нарече „апсурдни“ и негираше каква било злоупотреба.

Су Чи од јуни се наоѓа во самица во затворот во главниот град Најпидо, откако претходно, по воениот преврат, 1,5 година беше ставена во домашен притвор, пренесе ДПА.

Судската постапка и за ова кривично делот се одвиваше зад затворени врати и на адвокатите на Су Чи не им беше дозволено да зборуваат со медиумите.

Сите случаи против неа се масовно осудени како воени процеси кои имаат за цел да ги дискредитираат претходните цивилни водачи и да ја зајакнат положбата на хунтата.

Би можело да ве интересира

Воен авион од Мјанмар се излизга од пистата при слетување, има повредени

(ВИДЕО) Одрон во рудник за жад во Мјанмар, загинаа 32 рудари

Амнестија за 7.012 затворенции во Мијанмар по повод одбележувањето на Денот на независноста

А1он

Канада со нови санкции кон Русија, Иран и Мјанмар

А1он

ВИДЕО: Најмалку 80 цивили загинаа во воени воздушни напади за време на концерт во Мјанмар

Ана Ололовска

Најмалку осум жртви во експлозии пред затвор во Мјанмар