Судири избувнаа доцна синоќа во центарот на Париз за време на протестот на противниците на еднополовите бракови. Учесниците во протестот фрлаа со различни предмети кон сили на редот, кои одговорија со солзавец.
Во 22 часот по локално време организаторите на протестот побараа од околу 3.500 лица да си заминат во ветување, дека ќе бидат организирани нови протести. Но 45 минути подоцна стотици учесници во протестите не го напуштија плоштадот на „Инвалидите“. Меѓу 50 и сто лица, маскирани или со качулка на глава ги провицираа припадниците на полицијата во близина на Парламентот.
Кусо по полноќ судирите се преместија во близина на Министерството за надворешни работи, каде демонстрантите фрлаа кон полицијата со цигли, метални прачки и други предмети. Полициски командат бил ранет во главата од цигла и беше одведен со брза помош.