Судир на танкер и брод во Жолтото Море, се излеа нафта

Од:

Судир меѓу танкер со нафта и друг брод во Жолто Море предизвика излевање на нафта во близина на најголемиот кинески нафтен терминал, соопштија денеска кинеските поморски власти.

Бродот со ситен товар „Sea Justice“ удри во танкерот „A Symphony“, што плови под знамето на Либерија, а е закотвен во близина на пристанишниот град Кингдао, на североистокот од Кина, истурајќи „одредено количество нафта“, соопшти бродската компанија „Гудвуд Шип Менаџмент“.

„Силата на ударот во предната, лева страна на бродот ги оштети резервоарите за гориво и вода, па потоа одредени количества нафта се излеаја во океанот“, се наведува во соопштението на компанија „Гудвуд Шип Менаџмент“.

Компанијата, исто така, наведе дека екипажот е во полн состав и дека во инцидентот нема повредени.

Кинеската Управа за поморска безбедност им нареди на бродовите што се во близина да се оддалечат најмалку 18,5 километри од местото на несреќата.

„Гудвуд Шип Менаџмент“ соопшти дека е почната итна постапка за запирање на натамошното излевање на нафтата и дека експерти за операции на чистење на морето веќе се распоредени на местото на несреќата.

Би можело да ве интересира

Скок на цената на нафтата, се намали вредноста на златото

Катерина Ѓуровски

ВИДЕО: Седуммина мртви во превртениот танкер кај Јапонија

ВИДЕО: Кај Јапонија се преврте танкер

Катерина Ѓуровски

Паднаа цените на нафтата

Поскапува Еуросупер БС-98, цените на другите горива не се менуваат

Горан Наумовски

Светски берзи: Доларот ослабе, цената на нафтата порасна

Катерина Ѓуровски