Хрватската општина Медулин преку Фејсбук ги информираше мештаните дека во раните утрински часови во кампот Ступице во Премантура била забележана пловечка материја, чиј мирис и својства наликуваат на нафтен дериват.
„Општината веднаш ги испрати сите служби на терен, ги извести сите надлежни служби и почна со поставување на апсорбентни брани и чистење на теренот. По детална анализа ќе бидат објавени повеќе информации“, соопштуваат од Општината.
Читателите на порталот „Истра24“ кои престојуваат во кампот Ступице велат дека станува збор за еколошка катастрофа. Истиот портал неофицијално дознава дека дамката е откриена утрово и е видлива на неколку стотини метри од брегот на Премантура. Општина Медулин објави известување за дамката во 15 часот.
Наводно, голем танкер синоќа бил забележан како брзо поминува покрај брегот на Медулин. Сите надлежни општински, жупаниски и државни служби се на терен. Читател на „Истарски“ објави дека дамката се проширила од Бодулаш до Леваниќ и низ Кварнер.