Најмалку 25 лица загинаа, а неколку други се повредени кога автобус се запали по судир со мотоцикл во јужната индиска држава Андра Прадеш утрово, соопштија локалните власти. Автобусот се запали на пат во близина на селото Чина Текур во округот Курнол во Андра Прадеш, објави телевизијата Индија.
At Least 25 Killed As Private Bus En Route To Bengaluru Catches Fire In Kurnool#PrivateBus #Fire #Bengaluru #Hyderabad https://t.co/FNB4IPfP6Q
— Timeline. (@timelinelatest) October 24, 2025
Според полициското соопштение, автобусот, кој патувал од Хајдерабад до Бенгалуру со 42 патници, се запалил веднаш по судирот.
Спасувачките операции се во тек, а властите изјавија дека точниот број на жртви ќе биде потврден по детална истрага.
Повредените патници се итно префрлени во болница, а постојат стравувања дека бројот на жртви може дополнително да се зголеми.