Русија се движи во насока на завршување на украинскиот конфликт, изјави претседателот на Руската Федерација – Владимир Путин, на средбата со индискиот премиер Нарендра Моди на маргините на самитот на ШОС, пренесува „РИА Новости“.
За време на разговорот, шефот на индиската влада, меѓу другото, се осврна и на темата за Украина.
Тој наведе дека е неопходно сите проблеми да се решаваат по мирен пат и повика да се продолжи „во таа насока“.
Моди предложи да се разговара за сите овие прашања и изрази очекувања во пресрет на претстојната посета на Путин на самитот на БРИКС во Њу Делхи во септември.
– Ви благодарам многу, почитуван премиере. Ние се движиме по тој пат – рече Путин по обраќањето на Моди.
Моди истакна дека „Индија се залага сите проблеми да се решаваат по мирен пат, бидејќи тоа е она што му е потребно на целото човештво“.