Министерството за надворешни работи на Русија ја поздрави оставката на британската премиерка Лиз Трас – велејќи дека таа е „срамна“ лидерка која ќе биде запаметена по нејзината „катастрофална неписменост“.
„Британија никогаш немала таков срам од премиер“, изјави портпаролката на Министерството за надворешни работи, Марија Захарова.
Изгледа дека тврдењето за неписменост се однесува на посетата на Трас на Москва непосредно пред Русија да ја нападне Украина додека таа беше министерка за надворешни работи.
На состанокот со рускиот министер за надворешни работи Сергеј Лавров, Трас помеша два региони на Русија со Украина, што предизвика исмејување на рускиот дипломат во ток-шоуа на руската државна телевизија.