Главниот уредник на МИА „Русија Севодња“ и РТ, Маргарита Симонјан, зборуваше по соопштението на Федералната служба за безбедност на Русија дека е спречен обидот за нејзино убиство, планиран од украинските разузнавачки служби.
„Федералната служба за безбедност, заедно со Министерството за внатрешни работи и Истражниот комитет, уапсија група која го подготвуваше моето убиство по наредба на Украина. Ме следеа, ги знаеја сите мои адреси“, напиша Симонјан на Телеграм.
Покрај планот за атентат на Маргарита Симонјан, украинските специјални служби го подготвувале и убиството на руската новинарка и водителка Ксенија Собчак, се вели во соопштението на ФСБ.
Беше прецизирано дека на 14 јули во Москва и во регионот Рјазан биле уапсени членови на неонацистичката група „Параграф 88“, кои вршеле извидници „на адресите каде што живеат и работат целите на нападот“.
Уапсените велат дека за секое убиство требало да добијат околу милион и пол рубљи.
Против нив ќе биде покрената кривична истрага за екстремистички и терористички активности.