Советот за безбедност на ОН остро го осуди бомбашкиот напад во еден јужен кварт на Бејрут и Либанците ги повика да се воздржат од секаква интервенција во сириската криза, пренесоа француските медиуми.
Во едногласно усвоената декларација 15-те земји членки на Советот се „подвлекува неопходноста одговорните да бидат изведени пред суд за нивната гнасна постапка“.
„Членовите на Советот за безбедност ги повикуваат сите Либанци да го зачуваат националното единство од обидите да и се наштети на стабилноста на земјата. Важно е сите страни во Либан да се воздржат од секакво мешање во сириската криза“, се наведува во декларацијата.
Најмалку 20 лица вчера беа убиени, а 120 се ранети во најкрвавиот атентат во последнитет три децении во јужен кварт на Бејрут, што е под контрола на вооружената група Хезболах.
Генералниот секретар на ОН, Бан Ки-мун, исто така, го осуди атентатот и Либанците ги повика да останат единствени и да ја зачуваат безбедноста и стабилноста на земјата.