Според најновите податоци, во светот досега се регистрирани 964.639 лицa заразени со новиот коронавирус.
Од нив починати се 49.242, а оздравеле 203.274 луѓе.
Од половина од човештвото е побарано да остане дома поради пандемијата на новиот коронавирус.
Бројот на смртни случаи во Холандија се зголеми за 166 на 1.339, соопштија здравствените власти, а бројот на заразени е зголемен за осум отсто на 14.697.
Италиjaнскиот производител на луксузни автомобили „Ламборгини“ соопшти дека почнал да произведува маски и медицински визири.
Автоиндустријата во Романија сака да учествува во производство на опрема и медицински производи, како маски, комбинезони и средства за дезинфекција, и ќе учествува во проект за создавање на респиратор, наменет за болните од Ковид-19.
Франција ќе национализира стратешки компании, ако е неопходно, за да ги заштити од влијанието на кризата со коронавирусот.
Американската агенција за кризни ситуации (FEMA) нарача од Министерството за одбрана 100.000 вреќи за тела. Во САД се очекуваат меѓу 100 и 200 илјади починати од коронавирусот.
Девет водечки европски универзитетски болници предупредија дека за две недели ќе недостасуваат основни лекови за лекување на пациенти кои се тешко болни од Ковид-19.