Обвинителството за економски криминал и корупција покрена истрага против претседателот на австрискиот парламент Волфганг Соботка, откако против него е поднесена поднесена пријава за злоупотреба на службената положба, јави дневниот весник „Ое24“. Тој ги негира обвиненијата.
Станува збор за партиско назначување заменик директор на покраинската полиција во времето кога Соботка се уште беше министер за внатрешни работи на Австрија.
Така, во 2017 година наместо кандидатот на Социјалдемократската партија беше назначен кандидат близок до Народната партија на Австрија.
Во фокусот на истрагата се пораки на месинџер што Соботка ги разменувал со неговиот тогашен шеф на кабинет Михаел Клоибмилер, кој исто така е осомничен во овој случај, што Обвинителството го отворило вчера.
Случајот се однесува на период кога Соботка беше министер за внатрешни работи, што значи дека нема да може да биде „заштитен“ со пратенички имунитет.
Извор: МИА