Британската кралска морнарица соопшти дека истражува како документите означени како „чувствителни“ биле пронајдени во тоалетот на пабот Ветерспунс.
Документите наводно содржат детали за ХМС Ансон – една од најнапредните подморници на британската морнарица.
Досиејата биле оставени во пабот Furnes Railway во Бароу-ин-Фернс и неименуван извор рекол дека биле пронајдени на подот од тоалетот.
Документите ги прикажуваат механизмите за работа на подморницата, а членовите на екипажот ги користат за да научат, на пример, како да го намалат притисокот во делови од нејзиниот систем.
Британската морнарица навела дека се работи за општ документ кој не содржи доверливи информации.
Извор од морнарицата рече дека документите содржеле само поедноставен преглед на системот, но без објаснување за неговата работа.