Бунтовничките сили на Слободната армија на Сирија (FSA) извршија ракетен напад врз Народната палата на висорамнината над Дамаск, зграда во која е сместена канцеларијата на актуелниот претседател Башар ал-Асад.
По нападот, во близина на палатата се собраа голем број на војници лојални на сирискиот режим.
Се уште не е познато дали истреланите ракети ја погодиле палатата, додека на интернет се појави видео снимка која покажува напад врз претседателската палата.
Воената единица “Силите на Дамаск”, која ја нападна канцеларија на претседателот, е позната и како единица која дејствува во склоп на бунтовничката бригада “Спас за Дамаск.”