Екстремистите од групата „Фатах Халеб“ го предале практично целиот преостанат дел од „котелот на Алепо“ и со автобуси со напуштаат градот, заедно со своите семејства.
Ова е последица на спогодбата што изминатата ноќ ја склучија руската и турската влада, информира либанската агенција АМН, пренесува бугарски „Блиц“.
Единиците и формациите на терористите предале четири реони и под контрола на Дамаск веќе се наоѓаат 85 отсто од територијата на Источно Алепо. Ослободен е и целиот историски Стар град, северно од Цитаделата.
Дел од нив, меѓутоа, одбиле да заминат за Идлиб, и преку обезбеден 700-метарски коридор преминуваат од североисточниот дел на Алепо во југоисточниот дел на градот, се уште контролиран од терористите. Овој коридор се наоѓа меѓу Цитаделата и болницата ал-Ајан.
Според руско-турската спогодба, сириските владини сили веќе ги контролираат квартовите Ал-Фарфара, Карм ал-Џабал, Баб Хадид и Афиун, информира АМН.