Поради се поизразената нетрпеливост што во социјалните мрежи се шири во југоисточна Азија, а која не го одмина ни мултирелигиозниот Сингапур, властите во петмилионската град-држава објавија војна против екстремниот кибер тероризам. Појавата стана загрижувачка по ескалација на исламистичката пресметка во Ирак, а пред тоа имаше и повици за регрутирање на „доброволци“ за граѓанската војна во Сирија.
Сингапурските власти најмногу стравуваат од можното влијание на прилично радикалните муслимански групи во Џохор Бару, малезиска провинција која е непосреден сосед на Сингапур. Некои овдешни медиуми изразија сомнеж дека меѓу регрутираните „борци’’ во Сирија, меѓу десетици жители на Малезија имало и неколку млади луѓе од Сингапур.
Запрашан во врска со состојбата на овој план, сингапурскиот премиер Ли Хсиен Лунг изјави дека државата внимателно го следи развојот на настаните.
– Може да мислите дека она што се случува во Сирија и Ирак е многу далеку од овде, но работите на Блискиот Исток имаат свој начин за испраќање вибрации на голема далечина, а ревибријациите можат да не погодат нас во Југоисточна Азија, изјави сингапурскиот премиер. Според него, за околу 15 отсто Сингапурци со исламска вероисповед, задолжен е Исламскиот Религиозен Совет кој, според премиерот Лунг коректно си ја врши работата.