Швајцарија е подготвена да ги замрзне своите билатерални економски договори со Европската унија доколку двете страни не можат да постигнат компромис околу запирањето на приливот странски работници од ЕУ, изјави денеска швајцарскиот министер за надворешни работи Дидије Буркхалтер.
Тој, како што пренесува Танјуг, ова го изјави на прес конференцијата откако швајцарската Влада соопшти дека ќе направи нацрт прописи со кои ќе бидат дозволени унилатерални рестрикции кои се спротивни на слободното движење на работниците, што е клучен принцип на билатералните спогодби.
-Доколку навистина нема решение ние ќе бидеме подготвени на суспензија на актите на сите наши билатерални спогодби, рече Буркхалтер, наведува Танјуг.