Џани Питела денеска е именуван за вршител на должноста претседател на Европскиот парламент, јави дописникот на МИА од Брисел.
Со оглед на тоа што досегашниот челник на Европарламентот, Мартин Шулц, е избран за нов лидер на групата на Социјалистите и демократите во ЕП, тој се повлече од претседателската функција, па Питела ќе го заменува до конститутивната седница на новиот состав на Европарламентот закажана за 1 јули во Стразбур.
Според Деловникот за работа на Европскиот парламент, Правило 18, Питела, кој е прв заменик-претседател на ЕП, го презема како вршител на должноста местото претседател на Европарламентот до изборот на нов претседател.