Европа може да стане помалку стабилна и помалку конкурентна доколку Велика Британија ја напушти унијата, предупредува германскиот министер за финансии Волфганг Шојбле, јави дописникот на МИА од Берлин.
„Доколку Велика Британија не е дел од ЕУ како полонправен член, мислам дека постои ризик континентална Европа да биде понестабилна, поподоложна на потреси што не е во интерес на Британија“, изјавил германскиот министер на конференција во Лондон.
Според Шојбле, Британија дава голем придонес за со својата експертиза по прашањата за безбедноста и надворешната политика.
Запрашан што би направила ЕУ во случај Британците да изгласаат излез од ЕУ, германскиот министер на шега изјавил: „Ќе плачеме“.
Според истражувањата на јавното мислење постои реална можност на реферндумот закажан за 23 јуни Британија да одлучи да ја напушти ЕУ.