Севернокорејскиот парламент вчера ги усвои плановите за зголемување на нуклеарниот арсенал за одбрана на државата.
Како што пренесува „Би би си“, парламентот на Северна Кореја реши на нуклеарното оружје да му даде што поголема улога.
Тензиите на полуостровот пораснаа откако ОН воведе построги санкции за Пјонгјанг, поради нуклеарните и ракетните проби, а Вашингтон и Сеул започнаа заеднички воени вежби во таа област.
Пјонгјанг вчера изјави дека веќе е во состојба на војна со Јужна Кореја и предупреди дека секоја провокација од Вашингтон и Сеул може да предизвика нуклеарен судир.
Двете држави се 1953 година договорија да ја прекинат тригодишната војна, но никогаш не потпишаа договор за мир.
Елена Георгиевска