Армијата на Јужна Кореја најави дека годинава ќе инсталира нови лансирни рампи за ракети во граничното подрашје со Северна Кореја.
Веста за агенцијата Јонхап ја потврдија армиски извори, кои соопштија дека наместо досегашните ракети со домет од 40, новите лансери ќе бидат опремени со ракети чиј дострел ќе биде 80 километри.
Поставувањето на новите лансирни рампи во Сеул се смета како одговор на новите ракетни инсталации што годинава почна да ги поставува Северна Кореја.
Според армиски извори, ракетите од Северна Кореја, што сега имаат дострел до 65 километри, се усовршени и ќе можат да бидат усмерувани на цели во далечина до 200 километри.