Министрите за миграции на земјите-членки на ЕУ денеска ќе имаат средба во Луксембург на која ќе се дискутира за слободата на движење за граѓаните на Унијата.
Во тој контекст се зборува за „социјален туризам“ во рамки на ЕУ. Велика Британија, Холандија, Германија и Австрија тврдат дека „некои имигранти од други земји-членки на ЕУ ги користат можностите што слободата на движење ги нуди, без да ги исполнуваат условите што се поставуваат“.
Споменатите земји сакаат да ги спречат лицата кои ги злоупотребуваат принципите за слободно движење, тоа да не можат да го повторуваат.
Но, во однос на таквите предлози, еврокомесарот за миграции Сесилија Малмстром има критичен став.
– Едноставно не може да се оспорува правото на ЕУ граѓаните слободно да се движат во Унијата, истакна Малмстром за шведската телевизија СВТ.