Советот на ОН за човекови права денеска во Женева ќе одржи вонредна седница за ситуацијата во окупираните палестински територии, вклучително Источен Ерусалим, јави ИТАР-ТАСС.
Палестинците бараат 47-члениот Совет да ги истражи сите кршења на човековите права и на меѓународното хуманитарно право, кои според нив се извршени од Израел за време на офанзивата во Појасот Газа.
Палестинската набљудувачка мисија во ОН бара итно да биде испратена независна, меѓународна комисија, што ќе ги разгледа сите нарушувања на човековите права и на меѓународното хуманитарно парво во окупираните палестински територии, вклучително Источен Ерусалим, особено во Појасот Газа во контекст на воените операции, извршени од 13 јули 2014 година.
Седницата на Советот на ОН за човекови права е свикана на барање на Египет во името на земјите од Арапската лига.