Лидерот на Северна Кореја Ким Јонг-ун се оженил, соопшти севернокорејската телевизија.
Телевизијата емитуваше снимки кои го покажуваат Ким Јонг-ун во посета на забавен парк во изградба во Пјонгјанг во друштво на млада жена, претставена од портпаролот како негова сопруга. Нејзиното име беше објавено како Ри Сол-џу.
Во државните медиуми се појавија снимки, на кои севернокорејскиот лидер беше придружуван на јавни настани од таинствена жена, за која странските набљудувачи претпоставуваа дека може да е негова пријателка, сопруга или сестра.
Некои аналитичари во Јужна Кореја изразија претпоставки дека таа е пејачка, со која Ким Јонг-ун почнал љубовна врска пред неколку години.